Диалог со Священником Александром Туховским

Священник
Александр
378 ответов

Здравствуйте, помогите пожалуйста, у друзей распадается семья, подскажите как правильно молиться, какой молитвой? Спаси Господи.

Моли́тва свято́му апо́столу и евангели́сту Иоа́нну Богосло́ву
О вели́кий и всехва́льный апо́столе и евангели́сте Иоа́нне Богосло́ве, напе́рсниче Христо́в, те́плый на́ш засту́пниче и ско́рый в ско́рбех помо́щниче! Умоли́ Го́спода Бо́га дарова́ти на́м оставле́ние все́х прегреше́ний на́ших, ели́ко согреши́хом от ю́ности на́шея, во все́м житии́ на́шем, де́лом, сло́вом, помышле́нием и все́ми на́шими чу́вствы. Во исхо́де же ду́ш на́ших помози́ на́м, гре́шным, изба́витися возду́шных мыта́рств и ве́чнаго муче́ния, да твои́м ми́лостивным предста́тельством прославля́ем Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Моли́твы святы́м благове́рным
кня́зю Петру́ и княги́не Февро́нии Му́ромским
Моли́тва пе́рвая
О вели́ции уго́дницы Бо́жии и преди́внии чудотво́рцы, благове́рнии кня́же Пе́тре и княги́не Февро́ние, гра́да Му́рома предста́телие и храни́телие, и о все́х на́с усе́рднии ко Го́споду моли́твенницы! К ва́м прибега́ем и ва́м с упова́нием кре́пким мо́лимся: вознеси́те о на́с, гре́шных, святы́я моли́твы ва́ша ко Го́споду Бо́гу, и испроси́те у бла́гости Его́ вся́ благопотре́бная душа́м и телесе́м на́шим: ве́ру пра́ву, наде́жду бла́гу, любо́вь нелицеме́рну, благоче́стие непоколеби́мо, в до́брых де́лех преуспе́яние, ми́ра умире́ние, земли́ плодоно́сие, возду́ха благорастворе́ние, телесе́м здра́вие и душа́м спасе́ние. Исхода́тайствуйте у Царя́ Небе́снаго Це́ркви Святе́й и все́й держа́ве Росси́йстей ми́р, тишину́ и благоустрое́ние, и все́м на́м житие́ благополу́чное и до́брую христиа́нскую кончи́ну. Огради́те Оте́чество ва́ше и вся́ гра́ды Росси́йския от вся́каго зла́; и вся́ правове́рныя лю́ди, к ва́м приходя́щия и святы́м моще́м ва́шим поклоняющиеся, осени́те благода́тным де́йством богоприя́тных моли́тв ва́ших, и вся́ проше́ния и́х во бла́го испо́лните. Е́й, чудотво́рцы святи́и! Не пре́зрите моли́тв на́ших, со умиле́нием ва́м дне́сь возноси́мых, но бу́дите о на́с при́снии предста́телие ко Го́споду, и сподо́бите на́с по́мощию ва́шею спасе́ние ве́чное улучи́ти и Ца́рствие Небе́сное унасле́довати: да славосло́вим неизрече́нное человеколю́бие Отца́ и Сы́на и Свята́го Ду́ха, в Тро́ице покланя́емаго Бо́га, во ве́ки веко́в. Ами́нь.
Моли́тва втора́я
О уго́дницы Бо́жии, благове́рнии кня́же Пе́тре и княги́не Февро́ние, к ва́м прибега́ем и к ва́м со упова́нием кре́пким мо́лимся: вознеси́те о на́с, гре́шных (имяре́к), святы́я моли́твы ва́ши ко Го́споду Бо́гу и испроси́те у бла́гости Его́ вся́ благопотре́бная душа́м и телесе́м на́шим: ве́ру пра́ву, наде́жду бла́гу, любо́вь нелицеме́рну, благоче́стие непоколеби́мо, в до́брых де́лех преуспе́яние. И хода́тайствуйте на́м у Царя́ Небе́снаго житие́ благополу́чное и до́брую христиа́нскую кончи́ну. Е́й, чудотво́рцы святи́и! Не пре́зрите моли́тв на́ших, но бу́дите о на́с при́снии предста́телие ко Го́споду, и сподо́бите на́с по́мощию ва́шею спасе́ние ве́чное получи́ти и Ца́рствие Небе́сное унасле́довати, да славосло́вим неизрече́нное человеколю́бие Отца́ и Сы́на и Свята́го Ду́ха, в Тро́ице покланя́емаго Бо́га во ве́ки веко́в.

  • 951
Вопросы психологу

Вопросы психологу

Задай свой вопрос

Каталоги

Рубрики

Вопрос будет опубликован на сайте только после того, как на него ответит батюшка. Если вы хотите, чтобы ответ пришел Вам на почту, укажите ее в соответствующем поле формы.

В настоящее время данный батюшка не сможет вам оперативно ответить, надеемся на понимание.